I rishikova disa shkrime të mia të viteve të fundit të 90-tave. Nuk kam shkruar shpesh dhe nuk kam qenë ndër ata që mund të thonë se kanë krijuar opinion. Por, as atëherë e as kurrë më vonë nuk kam bërë politikë partiake dhe shkrimet e mia të asaj kohe, më shumë se analiza të ftohta të rrethanave dhe veprimeve politike, thuaja se janë klithmë për unitet.

Në fakt, ajo që po e vërej tash është se kurrë, as në momentet më dramatike të këtij vendi, as për gjërat më madhore nuk kemi pasur unitet. Dhe, nuk kemi as sot e kësaj dite!

Vlerësojini vetë këto citate:

'... çdo lëvizje politike në Kosovë për ndonjë rezistencë më ndryshe, megjithatë duhet të sigurojë një konsensus, përndryshe përçarja e shqiptarëve mund të marrë përmasa dramatike."

"... në Kosovë pasionet politike mund të jenë të vala edhe kur Kosova bëhet shkrumb e hi dhe se ka njerëz që duan të mbeten në sipërfaqen politike, qoftë edhe mbi rrënojat e Kosovës."

"Dikush, edhe po të jetë aq dragua sa të na e sjellë edhe pavarësinë në kalë të bardhë, si nusen, ndoshta edhe s'do ta pranojmë. Varet kush është kalorësi!"

"Falma zot, se duken fjalë të mëdha: s'do bërë Kosovën e lirë për hir të përkushtimit ndaj askujt, do bërë për shkak të brezave që vinë pas nesh; që ngjarjet e fundit në Drenicë të jenë përfundimisht - të fundit."

(Nga profili në Facebook, më 21 korrik 2022)